De Sjter 1 en 4 goan kopje onger; Letste wedsjtried van Sjteinder icoon?
De oogst van ozze zondig teams woar uitermate mager dit weekend. De dames en ut driede sjpeelden neit, ut veerde verloar aafgeteikend van Lintjheuvel/Heidebloem 3 (4-0), en os eesjte elftal moosj ut aaflegke taege BSV Limburgia (0-3). Allein De Sjter wis un puntje euver te haute aan heur confrontatie mit SV Laar 2 (2-2). Gelukkig is d’r temidden van al die misère auch nog get leuks te vertellen op voetbalgebied. Op zondig bonje namelijk os tot 11 sjpelers gereduceerde veteranenteam de sjtrijd aan mit un altied iezersjterk Fortuna veteranenteam. Ozze vets moosjten ut zelfs bienoa un ganse helf doon zonger hunne geblesseerd oetgevalle aanvalsleider (dus mit 10 man) en wisten desondanks un 3-4 euverwinning te boeken, mit Levi Nelissen es ein-noa-beste-man, in de sjaduw van ein van de iconen van Sjtein.
