Overig Ster nieuws

Terwiel de jonges van de Mini F, die al get langer voetballe, vanochtend taege Haslou sjpeelden, ging de jongere groep lekker ongerling voetballe. En dat deige ze vol euvergave. Zichtbaar vaol plezeier, vaol lachen, sjieke goale, mooie dribbels en af en toe get graas plukke, nao 'n euvervleigend vleigtuug kieke of ongerling gezellig get vertelle. Langs de kantj genoten de greutsje ouwesj, onger 'n sjtraolend zunke van de verrichtingen van hun zoons.

De meesten doon dat in sjtilte. Oetzunjering op dae regel is Willem Thewissen, dae gein kans veurbie leet gaon om ziene zoon Ian op ludieke wieze te 'promoten' bie de trainers van de ouwere groep Mini F's. Enkele veurbeelden daovan:
"Trainer, wat zeen dien plannen eigenlijk mit Ian? Ich denk eerlijk gezag dat hae al klaor is om te maoge ruke aan 't echte werk."
"Trainer, Ian haet vandaag alweier drie goale gemaak. Kiek maar wasse d'r mit deis."
"Trainer, es 't goud waer is, dan zeen ze allemaol in vorm, maar ich ben ens benuujd wie 't dalik is es 't ens geit raegene. Dan is dae van mich pas op zien best."
"Trainer, Ian haet net 'n goal gemaak mit 'n 'siebzich-meter-schoss'. Ich leig neit."
Gelukkig vertelt Willem dan waal auch eerlijk dat Ian thoes euver dae 'siebzich-meter-schoss' houw gezag: "pap, die goal wo se euver verteldes taege de trainer... dae bal wol ich eerlijk gezag eigenlijk nao Tren passen, maar ich houw neit goud gericht en toen rolde hae per ongeluk d'r in."
Maar goud, alle kenjer hubbe vandaag waer lekker gevoetbald. Hoogtepunt van de training is veur deze groep jeder waek waer 't oprume van 't ballen-net... mit 8 man samen... en ongertusje lekker zinge. En vandaag dach ich: "dat moment mot ich effe veur alle Sjter-luuj vaslegke op de film. Nou, bie deze.

Rob Sjulpe

rksv de ster walking football 2018 1x250

blessurehulp left banner

De Ster Nieuwsbrief - Blijf op de hoogte!

Deze website maakt gebruik van cookies om voorkeursinstellingen bij te houden en analytische cookies om de website te optimaliseren.